Heim & Skúli

Rennidagurin 2020

Í dag var ársins rennidagur hildin í Kaldbaks skúla.

Bert 18 næmingar vóru í skúla í dag, men hesi runnu meiri enn frá Kaldbak til Klaksvíkar og heim aftur tilsaman: 132 km

Í miðal rann hvør teirra 7,7 km - og tað má sigast at vera sera gott. 

Helena Sunnivá og Johan runnu longst: 13 km hvør. Sera flott avrik.

Tá tey høvdu runnið, hevði Malan franskbreyð við sjokulátu ella Nøtte og eitt sunkist klárt til røsku næmingar okkara - tað kom væl við. 

Ein deiligur rennidagur, røsk og glað børn.

Vanligt er at hesin dagur verður hildin saman við Nólsoyar- og Velbastaðar skúla, men sum so mangt annað, var hetta ávirkað av korona.

Spennandi verður at finna útav, hvussu nógv hinir skúlarnir hava runnið í dag. Vit runnu saman, men kortini hvør sær.