Heim & Skúli
Innskrivingin í forskúla og 1. flokk
Forskúli:
Innskrivingin til skúlaárið 2025/26 letur upp mikudagin 11. desember 2024 klokkan 12 og er opin til og við mikudagin 15. januar 2025.
Øll børn kunnu byrja í forskúla í august mánaða í sama álmanakkaári, tey fylla seks ár.
Rita inn við Samleikanum. Hevur tú ikki fingið tær Samleikan, kanst tú bíleggja tær hann á heimasíðuni hjá Samleikanum.
Gev gætur, at innskrivingardagurin ikki hevur nakað at siga fyri upptøkuna av børnum í skúlarnar. Tað vil siga, at tað hevur einki at siga, hvør skrivar sítt barn inn fyrst. Tú skalt bara syrgja fyri at skriva barnið inn, áðrenn innskrivingarfreistin er farin.
1. flokkur:
Títt barn skal byrja í skúla í sama álmanakkaári, sum barnið fyllir sjey ár. Innskrivingin í skúla fer fram í talgildu plássskipanini.
Innskrivingin til skúlaárið 2025/26 letur upp mikudagin 11. desember 2024 klokkan 12 og er opin til og við mikudagin 15. januar 2025.
Tey børn, sum frammanundan ganga í forskúla, eru innskrivað í sama skúlanum, har tey ganga í forskúla. Hevur tú barn í forskúla, er sostatt ikki neyðugt at skriva barnið inn av nýggjum. Ynskir tú hinvegin pláss í øðrum skúla enn tí skúlanum, barnið gongur í forskúla í, mást tú skriva barnið inn av nýggjum.
Gev gætur, at innskrivingardagurin ikki hevur nakað at siga í mun til upptøku av tínum barni í skúla. Tað vil siga, at tað hevur einki at siga, hvør skrivar sítt barn inn fyrst. Tú skalt bara syrgja fyri at skriva barnið inn, áðrenn innskrivingarfreistin er farin.
Talgilda innskrivingin krevur, at tú ritar inn við Samleikanum. Hevur tú ikki fingið tær Samleikan, kanst tú bíleggja tær hann á heimasíðuni hjá Samleikanum.