Arbeitt verður við sorgartilbúgvingini

Inngangur

Okkum, sum dagliga hava við børn at gera, er greitt, at børnini knýta seg tætt at teimum vaksnu, sum eru um tey í gerandisdegnum. Vit fáa at vita um tær stóru hendingarnar, sum hava verið næmingunum fyri, og vit fáa høvi at taka lut í gleði og sorg næminganna.

Tað er lætt, tá ið tað snýr seg um gleðiligar tilburðir í lívi næminganna, men tor- førari, tá ið tað snýr seg um sorg og syrgiligar tilburðir.

Týdningarmikið er at seta orð á kenslur og fyribrigdi. Um hetta ikki verður gjørt, er vandi fyri, at hetta kann gerast ein forðing fyri menning og læring.

Henda umsorganarætlan skal vera amboð okkara at nýta í teimum førum, har vit hava onkran, sum verður raktur av sorg. Hon skal somuleiðis gera okkum lærarar og starvsfólk í skúlanum tilvitað um tann leiklut, sum vit hava í arbeiði okkara, tá ið tað snýr seg um at hjálpa teimum næmingum, ið vit hava ábyrgdina av.

Endamálið er sostatt, í greiðum orðum at siga, hvussu vit gera, tá ið sjúka, vanlukka ella deyði rakar okkum í skúlanum, ella ein av okkara nærmastu. Vónandi kann umsorganarætlanin lætta um ta truplu støðu, vit eru í, tá ið sorgin rakar.

Uppgávan hjá leiðsluni

Hava eina (sorgar)bók, har hendingar verða skrivaðar í, dagfestingar o.s.fr.

Taka sær av samskifti við fjølmiðlarnar.

Senda blómur/krans.

Søkja um kreppuhjálp (um neyðugt).

Felags missur

Hevur næmingur verið leingi burtur vegna sjúku ella annað:

Flokslærarin/toymið tosa saman og tosa við foreldrini fyri at kunna seg um støðuna. Avtala kann verða gjørd við foreldur um kunning inni í flokkinum.

Flokslærarin kunnar flokkin og starvsfelagar.

Flokslærarin ella annar lærari, ið er knýttur at næminginum, skipar fyri tiltøkum – t.d. vitjan á sjúkrahúsi ella heima, senda brøv/tekningar/føðingardagsgávu o.l.

Flokslærarin syrgir fyri, at næmingurin verður kunnaður um tað, ið fyriferst í skúlanum, so hann alla tíðina kennir seg sum part av flokkinum.

Við hóskandi millumbili kunnar flokslærarin toymið og hinar lærararnar um støðuna.

Flokkurin ger tiltøk, tá ið næmingurin kemur aftur t.d. hugnatíma.

Tá ið næmingur doyr

Hevur næmingur verið leingi sjúkur:

Flokslærarin boðar leiðsluni frá og leiðslan kunnar allar lærararnar um støðuna.

Flokslærarin/toymið kunna flokkin.

Morgunin eftir ella so skjótt til ber kunnar leiðslan allar næmingarnar um hendingina.

Saman við kunningini verður møguliga ein andakt - faðir vár, tendra ljós, blómur,

tøgn í 1 minutt o.a.

Flaggið verður vundið í hálva stong.

Doyr næmingur brádliga

a.

Tá ið deyðsboð eru, verða flokslærari og leiðsla kunnað.

Leiðslan ella flokslærarin seta seg í samband heimið.

Leiðslan boðar til fundar, so skjótt boðini koma.

Allir flokslærararnir kunna flokkarnar og flaggið verður vundið í hálva stong.

Skúlin samlast til andakt sama dag ella dagin eftir.

Umráðandi er, at næmingarnir í flokkinum fáa høvi at tosa um hendingina; tí er

neyðugt, at meira enn ein lærari er hjástaddur tann dagin. Geva rúm fyri at næm-

ingar kunnu práta, spyrja og vísa kenslur, tímatalvan verður møguliga niðurløgd.

Áðrenn næmingarnir fara heim, kann vera neyðugt at tryggja sær, at onkur er heima

og tekur ímóti.

Flokkurin og skúlin senda krans ella blómur.

Flokkurin verður við til jarðarferðina saman við foreldrum sínum.

Skúlin verður stongdur undir jarðarferðini og flaggið í hálvari stong.

Okkurt serligt verður gjørt við plássið hjá næminginum nakrar dagar ella restina av

skúlaárinum t.d. mynd, blomstur, ljós o.a.

Møguliga skriva minningarorð.

Føðingar- og deyðsdagurin verða merktir.

Vitjan á grøvini.

b.

Fer hendingin fram í umhvørvi skúlans, skal hjástaddi lærarin seta seg í samband

við lækna, løgreglu og leiðslu skúlans.

Tá ið lærari doyr

a.

Leiðslan setur seg í samband við familjuna ella øvugt.

Leiðslan boðar til fundar og kunnar allar lærarar og starvsfólk annars.

Flokslærarar/toymið fer inn við sínum flokki og kunnar næmingarnar, áðrenn øll

hittast í høllini til eina minningarløtu

Flaggið verður vundið í hálva stong.

Skipað verður fyri minningarsamkomu. Leiðsla ella annar lærari/prestur hevur eina

minningartalu. Sangur, tala, faðir vár, ljós, tøgn 1 min.

Hjálpa familjuni t.d. til jarðarferðina og ervið.

Skúlin er stongdur undir jarðarferðini.

b.

Fer hendingin fram í umhvørvi skúlans, skal hjástaddi lærarin seta seg í samband

við lækna, løgreglu og leiðslu skúlans.

Missur hjá tí einstaka

Tá foreldur/systkin hjá næmingi verða rakt av álvarsligari sjúku ella vanlukku:

Flokslærarin ella annar lærari (sum foreldrini føla seg knýtt at) kunnar allar

lærararnar um støðuna.

Tað hevur týdning, at hinir næmingarnir í flokkinum fáa at vita, hvat er hent. Floks-

lærarin tekur sær av hesum.

Eisini eigur flokslærarin at gera hinum næmingunum greitt, at næmingurin, ið hevur

sjúk foreldur ella systkin, kann hava skiftandi

sinnalag/atburð. Flokslærarin kunnar næmingarnar um

sjúkuna.

Tá ið næmingurin missir foreldur ella systkin

Flokslærarin ella leiðslan kunnar allar lærararnar.

Flaggið verður vundið í hálva stong.

Flokslærarin kunnar flokkin um tilburðin.

Toymið/aðrir lærarar bjóða sær at hjálpa t.d. til jarðar- ferðina og ervið.

Flokkurin fær frí, meðan jarðarferðin er.

Flokkurin sendir blómur ella krans.

Vera um næmingin í tíðini aftaná.

Tá ið lærari missir børn ella maka

Skúlaleiðarin kunnar starvsfólk og næmingar um

tilburðin.

Flaggið verður vundið í hálva stong.

Skúlin sendir blómur ella krans.

Vanlukka

Leiðslan ella flokslærari skal hava boð, um næmingar verða raktir av vanlukku/

óhappi, ella hava havt samband við vanlukkutilburð.

Bussvanlukka til/frá skúla

Leiðslan gevur lærarum skúlans boð um at koma í skúlan sum skjótast.

Næmingarnir skulu sum skjótast koyrast aftur í skúlan. Foreldur/verjar fáa boð um

at koma í skúlan.

Støða verður tikin til, um prestur, sálarfrøðingur ella onnur skulu tilkallast. Leiðslan

tekur avgerðina.

Næmingarnir fara ikki heim einsamallir, men skulu fylgjast við foreldrum ella øðrum

vaksnum.